DETRÁS DO MARCO DESÉXAVOS FELIZ ANO

Feliz ano para tod@s @s amig@s de Detrás do Marco!!! Que no 2012 podamos falar un pouco menos da crise!!! Saude e felicidade para tod@s!

O BUSTO DE SUSANA PAZO, PARA O CLIENTE CO NÚMERO 31

O número 31 é o gañador. No sorteo realizado o xoves 23 de decembro saiu ese número como gañador do busto de Susana Pazo. Así que a persoa que o teña no seu poder pode pasar polo café presentado a papeleta e retiralo seu premio.

Bo Nadal para todas e todos os clientes de Detrás do Marco

DETRÁS DO MARCO CELEBRA O NADAL COS SEUS CLIENTES

“Detrás do Marco” quere celebrar o Nadal e para iso haberá agasallos para os seus clientes os próximos días 21 e 22 de decembro. Serán dous días nos que os clientes do local terán a posibilidade de recibir un busto de Susana Pazo (actual expositora en Detrás do Marco), ademais doutros obsequios.

Serán dúas as formas de recibir o agasallo. Haberá un regalo directo para  os clientes que durante eses dous días fagan un gasto superior a 12 euros (por mesa). Poderán elixir un dos regalos que estarán colgados na árbore de Nadal. Iso si, os premiados deberán acudir ao local calquera dos dous días, a partir das nove da noite, para cambiar o ticket da consumición por un agasallo.

Ademais, haberá un sorteo. Detrás do Marco entregará a todos os usuarios  que os días 21 e 22 de decembro acudan ao café unha papeleta cun número e de todos os participantes no sorteo sairá o gañador dunha obra da pintora e escultora galega Susana Pazo. O sorteo celebrarase o día 22 ás 23 horas no propio local.

Nestes dous días Detrás do Marco ampliará o seu horario ata as doce da noite. O día 21 o local será o punto de encontro para ver a publi-reportaxe sobre o café, que será emitido no programa Aves Nocturnas de Televigo ás 23:40 horas.

Ao día seguinte, 22, Detrás do Marco súmase á iniciativa “Noite Branca” da Asociación de Comerciantes Zona Centro, na que haberá sorpresas no comercio e locais do centro, con chocolatada, actuacións e agasallos en moitos establecementos do centro.

Bo Nadal para todos e todas!

NOITE BRANCA EN DETRÁS DO MARCO

www.facebook.com/nocheblancavigo

O DOMINGO 18, CONTACONTOS EN DETRÁS DO MARCO

As e os máis pequerechos da casa teñen unha cita mañá (17 horas) en Detrás do Marco (rúa Londres, s/n.) Será o momento de escoitar un conto, de debuxar, de preguntar.. de gozar cunha tarde diferente grazas a "Polo correo do vento".

A actividade está dividida en catro partes:

-A primeira parte é un conto ilustrado na que, mentres o autor conta o conto, o ilustrador realiza un gran mural.
-A segunda parte  será unha "rolda de prensa " na que os nen@s farán diversas preguntas sobre as ilustracións ou o conto
-A terceira parte será un obradoiro de debuxo que  realizarán os nen@s seguindo as indicacións do ilustrador.
-A actividade rematará coloreando todos o mural realizado polo ilustrador.

Con intérprete da linguaxe de signos, para as persoas con problemas auditivos

Entrada gratuita

A PRÓXIMA FIN DE SEMANA, CONCERTO E CONTACONTOS EN DETRÁS DO MARCO

Actividades para todas as idades. A programación de Detrás do Marco continúa e coma sempre intentando chegar a todas e todos. Desta forma, no fin de semana do 17 e 18 de decembro, teremos un concerto e contacontos.
O sábado 17 será o día de Silvia Womami (20:30 horas). A cantautora regresa ao noso local, onde é sempre ben recibida, e volverá a emocionarnos e facernos sentir coa súa espectacular voz.
E ao día seguinte, domingo 18 de decembro, os protagonistas serán os máis pequenos. Teremos contacontos (a partir das 17:00 horas), da man da empresa Polo Correo do Vento e grazas á colaboración do Servizo de Normalización Lingüística do Concello de Vigo. Ademais, haberá intéprete de signos para os nenos e nenas con problemas de audición.

MAÑÁ 10 DE DECEMBRO, ACTUACIÓN DE RUBÉN DE LIS EN DETRÁS DO MARCO

O guitarrista e compositor Rubén de Lis actuará mañá día 10 de decembro (19:30 horas) en Detrás do Marco. O galego, que xa  é un dos cantantes de cabeceira do local, volverá facernos vibrar coa súa guitarra e cancións coñecidas por todos, ademais de amosarnos os seus propios temas (cantados e compostos por el).

O VENRES 9, CONCERTO DE INDIO EN DETRÁS DO MARCO

O venres 9 de decembro (20:30 horas) teremos a oportunidade de gozar coa voz de Indio. O cantautor fará versións de Sabina e Víctor Jara, entre outros.

O LUNS 5 DE DECEMBRO, INAUGURACIÓN DA EXPOSICIÓN DE SUSANA PAZO

A pintora e escultora Susana Pazo inaugura o luns 5 de decembro (21:00 horas) a exposición “Pretéritas pisadas”, que permanecerá en Detrás do Marco ata o día 7 de xaneiro. No acto de inauguración actuará a monologuista Ana Pastor.A estradense explica o nome da súa exposición, Pretéritas pisadas: “O obra pictórica é unha recompilación de antigas series, polo que faremos un percorrido pola miña obra dende hai varios anos”, manifestou Susana. Entre os cadros destaca unha curiosidade: “Hai un que está feito con pintura sobre algas, algo novidoso que fixen tratando as algas para que puidera utilizala no cadro”.
Ademais haberá unha importantísima presenza de “cabezas”, precisamente a súa principal característica diferenciadora coma creadora. Son esculturas de cartón-pedra e de pasta de papel de diferentes personaxes, algúns históricos (coma Rosalía de Castro ou Frida Khalo) e outros imaxinarios (Nuar, por exemplo).

Sen dúbida unha exposición diferente e moi persoal, con moito colorido e materias e técnicas diferentes, que poderá ser contemplada en Detrás do Marco a partir do luns 5 de decembro.

O DOMINGO 4 DE DECEMBRO, CONTACONTOS EN DETRÁS DO MARCO

"Pepiña Maruxiña quere voar". O domingo 4 de decembro, a partir das 17 horas, as e os máis pequenos serán os protagonistas en Detrás do Marco, xa que poderán gozar co contacontos ofrecido pola empresa Barafunda co patrocinio do Servizo de Normalización Lingüística do Concello de Vigo. Ademais haberá intérprete de signos para os pequenos que teñan problemas de audición.

O VENRES 2 DE DECEMBRO, ACTUACIÓN DE SILVIA WOMAMI EN DETRÁS DO MARCO

A cantautora Silvia Womami regresa a Detrás do Marco (R./ Londres s/n), onde xa ten un público fiel que non quere deixar pasar a oportunidade de escoitar esta marabillosa voz. A artista volverá a emocionarnos mañá venres 2 de decembro (20:30 horas). Ademais, a galega de adopción estreará o novo escenario do local, despois das recente obras realizadas no café, que mudou de cara.
Silvia fai versións de cancións “de toda a vida” e no seu repertorio hai cancións de Silvio Rodríguez, Amparanoia, Mercedes Sosa, Bebe, Van Morrison, Tracy Chapman, Kiko Veneno, Fito Páez ou Vaya con Dios, entre outros intérpretes.

REFORMAS NO CAFÉ ATA O MÉRCORES 30 DE NOVEMBRO

O Café Detrás do Marco permanecerá pechado durante un par de días para realizar pequenas reformas interiores. O mércores 30 de novembro volveremos a abrir as nosas portas e poderedes contemplar os cambios que introduciremos. Confiamos en que os gusten! Esperámosvos a partir do mércores de novo!

UNHA DIVERTIDA VIAXE POLO MUNDO DAS CERVEXAS ALEMÁS

Da mán de Felipe Gil fixemos unha viaxe polo mundo das cervexas alemás en Detrás do Marco. Cervexas descoñecidas, novos sabores, novas experiencias e un pouco de coñecementos, ademais de dúas horas de entretemento e sorrisos. Así poderíamos resumir a cata de cervexas alemás do venres 25 de novembro. Moitas grazas a Felipe e a todas e todos os asistentes, xa que entre todos lograron facer unha velada moi especial.

ÚLTIMOS DÍAS PARA VER A OBRA DE XULIO LAGO

A exposición de Xulio Lago, "Orden K" está a piques de rematar, polo que todas e todos os interesados en coñecer a obra do pintor vigués deben darse prisa e achegarse ata Detrás do Marco antes do domingo 27 de novembro, fin da exposición.
Como explicou o autor, é unha obra moi especial, creada especialmente para Detrás do Marco, na que domiña a cor branca.

MAÑÁ, CATA DE CERVEXAS ALEMÁS EN DETRÁS DO MARCO

Mañá venres 25 de novembro (a partir das 20:30 horas) celebrarase unha cata de cervexas alemás en Detrás do Marco. Será para un grupo pechado de 15 persoas que poderán achegarse un pouco máis ao mundo das cervexas da mán de Felipe Gil, que será o responsable da cata.

MÚSICA GALEGA, NUNHA MAÑÁ SOLEADA

A música tradicional galega foi a protagonista en Detrás do Marco o sábado19 de novembro pola mañá. Varios profesores da Universidade que se reúnen habitualmente para gozar co folclore galego, fixeron bailar e cantar aos clientes do café, nunha mañá soleada.

O SÁBADO 19 DE NOVEMBRO, MÚSICA DE TABERNA EN DETRÁS DO MARCO

Mañá 19 de novembro, ás 13 horas, tedes unha cita coa música galega, coas cancións máis populares en Detrás do Marco. Aí esperámosvos coa pandeireta na man.

O MÉRCORES 16 DE NOVEMBRO, SILVIA WOMAMI

Silvia Womami xa é unha habitual no noso local e o mércores 16 de novembro volverá a emocionarnos coa súa voz e as cancións de sempre, esas que nunca pasan de moda. A cita, o día 16 a partir das 20:30 horas.

A ORDE O O CAOS DE XULIO LAGO CONVIVEN EN DETRÁS DO MARCO

A exposición de Xulio Lago “Orden K” (Orde e Caos) xa é a protagonista das paredes de Detrás do Marco. Onte celebrouse o acto de inauguración da mostra do artista vigués, na que Patricia Moon amosou a súa preciosa voz e o seu virtuosismo co violín.

Na exposición, que permanecerá no café ata o día 27 de novembro,  Xulio Lag amosa a súa obra máis persoal e íntima “coa que buscaba a beleza do máis sinxelo”. Así no traballo domiña a cor branca principalmente, “intentando transmitir serenidade”. Esta obra foi creada por Lago para esta exposición en Detrás do Marco, e “non se parece a nada do que fixen ata agora”.

E a pesar diso,  nos cadros aparece a figura de Xulio Lago, tal e como destacou a pintora María Jalda na súa presentación, “esta obra representa a Xulio e iso é o mellor que se pode decir dun artista. Xulio é un home sinxelo e iso é o que transmite este traballo”. Ademais, María destacou a dificultade de traballar coa cor branca: “Aínda que non o parece e moi complicado”.

E a inauguración rematou coa actuación de Patricia Moon, que puso a nota de cor co seu violín vermello e a súa voz aterciopelada, que amosou aos  presentes o seu traballo.

O XOVES 10, INAUGURACIÓN DA EXPOSICIÓN DE XULIO LAGO

Trala exposición do taller de Nelson Villalobos, chegou o momento de contemplar a obra do pintor e escultor vigués Xulio Lago, que chegará a Detrás do Marco cunha obra íntima e moi especial. Na inauguración o día 10 de novembro (20:30 horas) contaremos coa presenza da violinista e cantante viguesa Patricia Moon.

A CIENCIA DUNHA FORMA DISTENDIDA, EN DETRÁS DO MARCO

O café científico chegou a Detrás do Marco na noite do venres, nunha actividade que permitiu achegar a ciencia á sociedade dunha dorma distendida, á vez que didáctica.

O local, completamente cheo, gozou e moito coas explicacións dos profesores da Universidade da Coruña, que cambiaron a tiza por unha caña e un sorriso e explicacións gráficas que fixeron moi amenas as "leccións". Foron dúas horas que voaron e que descubriron moitas cousas sobre o cerebro. Sabíades que temos 100.000 millóns de neuronas?

O DÍA 4 DE NOVEMBRO, CAFÉ TEATRO CIENTÍFICO EN DETRÁS DO MARCO

Mañá 4 de novembro (20:30 horas) celebrarase en Detrás do Marco o Día da Ciencia en Galego coa celebración dun café teatro científico no que se “achega o coñecemento á xente cun toque de humor teatral”. Esta actividade de divulgación ciéntifica -“para o público en xeral e con intención lúdica”- está incluida dentro do programa de actividades previstas para celebrar a Semana da Ciencia. Haberá tamén actuacións en Pontevedra (10 de novembro) e Ourense (17 de novembro) e o lema utilizado pola Universidade é “Goza da ciencia dunha forma diferente”. Na actuación de Detrás do Marco contaremos con Casto Rivadulla e Pablo Arias (profesores da Universidade da Coruña) e o actor César Goldi.
Esta actuación é organizada pola Área de Normalización Lingüística da Universidade, a Asociación Trabalingua (unha asociación estudantil que traballa polo impulso do galego na universidade), e o Servicio de Normalización Lingüística do Concello de Vigo.

Rubén de Lis. E ao día seguinte, 5 de novembro, contaremos coa presenza do cantante galego Rubén de Lis, que volverá a actuar en Detrás do Marco (20:30 horas).

CATA DE CERVEZAS ALEMÁS, O 25 DE NOVEMBRO

O próximo día 25 de novembro celebrarase unha cata de cervexas alemás en Detrás do Marco, a cargo de Felipe Gil.
A cata será para un grupo pechado de 15-20 persoas e terá un custe de 15 euros, que inclúe a cata de cervezas e o catering correspondente.
As persoas interesadas en asistir a dito evento deberá confirmar a súa presenza no correo electrónico prensa.detrasdomarco@gmail.com ou no teléfono 619044591.

Día: 25 de novembro Hora: 20:30 horas Lugar: Detrás do Marco (Rúa Londres, sn)
Prezo: 15 euros

AVELINO GONZÁLEZ REVOLUCIONOU AO PÚBLICO DE DETRÁS DO MARCO

O actor vigués Avelino González foi o gran protagonista da noite do venres en Detrás do Marco, xunto ás gargalladas que inundaron o local durante a súa actuación. Avelino logrou trasladarnos ao mundo do cine e ademais de explicar algunhas das teorías sobre os vigueses.

MONÓLOGO DE AVELINO GONZÁLEZ, O VENRES 28 DE OUTUBRO

O cómico e actor vigués Avelino González actuará o venres 28 de outubro (20:30 horas) en Detrás do Marco (R. Londres sn), nunha cita na que as gargalladas están garantidas.

Avelino González (Vigo, 1962) conta cun importante curriculum ás súas costas. Actor teatral (co Centro Dramático Galego) e productor teatral, é moi popular polo seu papel de Miñato na serie da TVG Padre Casares. Ademais participou noutras coñecidas series televisivas (Hospital Central, Pratos Combinados) e en películas como Heroína o Lena.

Pero en Detrás do Marco veremos a sua faceta como monologuista e faramos rir a todas e todos os asistentes coa súa actuación, que comezará ás 20:30 horas. Avelino goza de forma moi especial no contacto directo co público como contacontos nunha tarefa na que case todo está permitido: “A un actor, a un contador, todo lle está permitido, agás aburrir”, asegura Avelino na súa páxina web.

EXPOSICIÓN DO TALLER DE SERIGRAFÍA ARTÍSTICA NELSON VILLALOBOS

O día 7 de outubro celebrouse a inauguración da exposición do “Taller Nelson Villalobos Serigrafía Artística”, acto no que contamos coa presenza do máximo responsable do taller, así como de varios dos artistas que están presentes na mostra pictórica. Na presentación, participou o cantautor uruguaio Walter César, quen amenizaou o acto coa súa espectacular voz.

Na exposición, que permanecerá no café ata o día 5 de novembro, hai obras de máis dunha veintena de autores. Nelson Villalobos, José M. Barreiro, Leopoldo Nóvoa, José Bedia, Laxeiro, Xaime Quesada, Lázaro Enrí, Antonio Fernández Molina, Manolo Ruibal, Eiravella, José Bedía, Lorenzo Macías, Antón Pulido o Antón Goyanes son algúns dos autores que participan nesta mostra: Estilos diferentes e a prezos adaptados a todos os petos.